हाम्रा भाइ विश्‍वास नगरकोटीको निधन २०७५ सालमा क्यान्सरद्वारा भयो। उहाँलाई क्यान्सर लागेको छ भन्ने कुरा थाहा पाउँदा त्यो क्यान्सर अन्तिम चरणमा पुगिसकेको रहेछ। उहाँलाई थाहा भयो कि यस संसारमा उहाँका दिनहरू सकिदैछन्। तर उहाँमा केही निराशा थिएन। उहाँमा पूरा शान्ति थियो। जब कुनै व्यक्तिलाई क्यान्सर लाग्छ उसको सम्पूर्ण आशा नै नष्ट हुन्छ। अब ऊ मर्दैछ भन्ने कुरा थाहा पाएकोले र क्यान्सरले दिएको पिडाको कारणले ऊ रून्छ र चिच्याउँछ र उसमा कुनै पनि शान्ति हुँदैन। तर भाइ विश्‍वासले आफ्ना अन्तिम दिनहरूमाधरि भन्नुभयो, “मलाई केही डर छैन।” यति सम्म कि उहाँको हेरचाह गर्ने नर्सहरूधरि उहाँमा भएको आशा र शान्ति देखेर अचम्ममा पर्नुहुन्थ्यो र भन्नुहुन्थ्यो, “यस्तो किसिमको व्यक्ति त हामीले कहिल्यै देखेका थिएनौं।” उहाँसँग यस्तो अचम्मको शान्ति र आशा कहाँबाट आयो? उहाँको आफ्नै गवाही हेर्नुहोस्!