इस्राएल राष्ट्र र उद्धारकर्ता

(पश्‍चिमेली पाखा पखेराहरूमा सुर्योदयको ताप र रापले झार-बुट्यान लगायत रूख विरूवाहरू नयाँ मूना र पालुवाहरूले विस्तारै ढाक्दै जाँदा एक नयाँ रूप देखिए। मानौं एक नयाँ युगले धरती मोहोरिएको छ। मानव जगतलाई पनि त्यसले फेरि नयाँ स्फूर्ति र प्रेरणा प्रदान गरिरहेछ। जिउनलाई संघर्ष गर्दै जिउनलाई। माइली आमा पनि त्यही भावना र प्रेरणामा आज सबेरै व्यूझनु भएको छ। आज उहाँमा नयाँ जाँगर जुर्मुराइरहेझैं भइरहेछ। पिंढीमा चियाको मीठो स्वादसँग सन्तुष्‍टिको सास फेरिरहनुभएको मात्र के थियो कमल आँगनमा टुप्लुक्क आइपुगे र उनको साथमा साथी पनि।)

आमा: अहो ! कमल बाबु आइपुग्नुभयो ? बस्नोस् पिँढीयाँ। अनि उहाँ चाहिँ को हुनुहुन्छ नि ?

कमल: नमस्कार छ है आमा। उहाँ मेरो साथी विमल हुनुहुन्छ। उहाँ पनि तपाईंझै परमेश्‍वरको विषयमा ध्यान दिनुहुन्छ।

आमा: होइन बाबुले झोलाबाट के निकाल्नुभो ?

कमल: यो बाइबल हो आमा। हाम्रा प्रश्‍नहरूका जवाफहरू यसमा पाइन्छन् आमा। यो परमेश्‍वरले मानिसका निम्त दिनुभएको पुस्तक हो।

आमा: सुनाउनुहोस् बाबु बाइबलमा के रच। अनि बाबु हामी आफ्नो धर्मले स्वर्ग जान सक्दैनौं, आफ्नो असल काम र प्रयासले पनि सक्दैनौं ? त्यसो त स्वर्ग जाने बाटो के हो त ? राम्ररी बताइदिनुपर्‍यो बाबु।

कमल: राम्रो कुरा गर्नुभयो आमाले। मानिस परमेश्‍वरको नजरमा पापी र अधर्मी भएको कुरा आमालाई अब थाहा हुनुपर्छ। साथै मानिस आफ्ना धर्मकर्म वा असल जीवनले पापहरूबाट मुक्त हुँदैन भन्‍ने कुरा पनि आमाले अब बुझ्नुभयो। तब कहाँबाट र कसरी मुक्ति पाइन्छ त भन्ने प्रश्‍न आमाको रह्‍यो। होइन त आमा ?

आमा: ठीक हो बाबु। मैले जान्न खोजेको कुरा त्यही हो।

कमल: सुन्नुहोस् आमा, परमेश्‍वरको वचनमा यस्तो लेखिएको छ, “परमेश्‍वरले संसारलाई यस्तो प्रेम गर्नुभयो कि उहाँले आफ्नो एकमात्र जन्माइएको पुत्रलाई दिनुभयो- उहाँमाथि विश्‍वास गर्ने कोही पनि नष्‍ट नहोस् तर उसले अनन्‍त जीवन पाओस्।” यसमा भनिएको कुरो बुझ्नुभयो आमा ? स्वर्ग र पृथ्वीका सृष्‍टिकर्ता परमेश्‍वरले विश्‍वका सबै स्थानका, सबै वर्णका, सबै वर्गका मानिसहरूलाई यस्तो प्रेम गर्नुभयो कि उहाँले आफ्नो तर्फबाट उद्धारकर्ता प्रभु येशू ख्रीष्‍ट पठाउनुभयो। यो २०२० वर्ष अघिको कुरा हो कि येशू ख्रीष्‍ट एक कन्या स्‍त्रीद्वारा मानिसको रूपमा जन्म हुनुभई विश्‍वको बीच भागमा पर्ने इस्राएल भन्‍ने देशमा आउनुभयो। किनकि उहाँ सारा विश्‍वको निम्ति मुक्तिदाता र प्रभु हुनुहुन्छ।

आमा: कसरी उहाँ मुक्तिदाता हुनुहुन्छ त बाबु ?

कमल: सुन्नुहोस् आमा, येशूको जीवन अचम्मको थियो। पहिलो कुरो त उहाँ पापरहित हुनुहुन्थ्यो। उहाँमा केही पाप थिएन। उहाँ पवित्र पवित्र पवित्र परमेश्‍वर हुनुभएकोले यस्तो भएको हो। दोस्रो कुरो उहाँका आश्‍चर्यकर्महरू चकित पार्ने खालका थिए। उहाँले अनेकौं रोगीहरूलाई निको पार्नुभयो। भूत-प्रेत लागेकाहरूलाई निको पारिदिनुभयो। मरेकाहरूलाई जीवित पार्नुभयो। पानीमाथि हिँड्नुभयो। यसरी उहाँमा रोगमाथि अधिकार थियो। शैतानमाथि अधिकार थियो। मृत्युमाथि अधिकार थियो। प्रकृतिमाथि अधिकार थियो।

आमा: किन होला बाबु ?

कमल: किनकि उहाँ स्वयम् परमेश्‍वर हुनुहुन्थ्यो। परमेश्‍वर मानिसको रूपमा आउनुमा परमेश्‍वरको विशेष उद्देश्‍य थियो।

आमा: के थियो बाबु ?

कमल: पापको ज्याला मृत्यु हो भन्‍ने कुरो आमाले बुझिसक्नुभयो। पापको ज्याला मृत्यु चुक्ता गर्नलाई नै येशू आउनुभयो। उहाँ हामी सबैका पापहरूकमा निम्ति अन्तमा क्रूसमा बलिदान बन्‍नुभयो र मर्नुभयो। मर्ने समयमा उहाँले के भन्‍नुभयो थाहा छ आमालाई ?

आमा: भन्‍नुस् न बाबु।

कमल: “अब सकियो” भन्‍नुभयो। यसको तात्पर्य यो थियो कि सारा विश्‍वको पाप क्षमाको निम्ति परमेश्‍वरले अघिबाटै जुन योजनाक्रममा काम गर्दै आउनुभयो त्यो पूरा भएको छ।

आमा: अनि उहाँको लाशलाई के भयो त ?

कमल: गज्जबको कुरो यसैमा छ। उहाँको लाश गाडिएको थियो। तर तेस्रो दिनमा त्यो लाश फेरि बौरिउठ्यो। सारा विश्‍वलाई चकित तुल्यायो। अनि उहाँ आफू जीवित हुनुभएको अनेकौं प्रमाणहरू दिनुहुँदै उहाँ चालीस दिनसम्म रहनुभयो र जीवितै स्वर्ग उचालिएर जानुभयो। आज उहाँ जीवित प्रभु र मुक्तिदाता हुनुहुन्छ। मानिसहरूको मुक्तिका निम्ति उहाँ निरन्तर सक्रिय हुनुहुन्छ।

आमा: अब हामीले मुक्तिको निम्ति के गर्नुपर्ला त ?

कमल: हामीले उहाँ हाम्रा पापहरूका निम्ति मर्नुभई बौरनुभएको कुरोमा विश्‍वास गरी आफ्ना पापहरूबाट पश्‍चात्ताप गरी परमेश्‍वरमा फर्कनुपर्दछ। यसरी उहाँकहाँ आउनेहरूलाई उहाँले बचाउनुहुन्छ।

आमा: अब मैले बुझें बाबु यो कुरो। येशू ख्रीष्‍ट मेरा प्रभु र मुक्तिदाता हुनुहुन्छ। अब म आफ्ना पापबाट परमेश्‍वरतर्फ फर्कें।

कमल: परमेश्‍वरलाई धन्यवाद होस् तपाईंको निर्णयको निम्ति। हुन्छ आमा अहिलेलाई जान्छौं फेरि आउनेछौं।

आमा: लौ त बाबु यो कुरो मलाई साह्रै मनपरेको छ म यसैमा अघि बढ्छु।

समाप्‍त